Վենեսուելայի ժամանակավոր նախագահը կոչ է արել երկրի բնակիչներին` նախապատրաստվել «Ազատություն» գործողության անցկացմանը

Վենեսուելայի ընդդիմության առաջնորդ և ժամանակավոր նախագահ Խուան Գուաիդոն կոչ է արել երկրի բնակիչներին` նախապատրաստվել «Ազատություն» գործողության անցկացմանը, որը երկրում նոր իշխանության հաստատման նպատակ ունի:

«Եկել է ժամանակը նախապատրաստվելու «Ազատություն» գործողությունն իրականացնելուն և առավելագույն ճնշում գործադրելու իշխանության վրա բռնատիրությանը վերջ դնելու համար: Բոլորը, բացարձակապես բոլորը դերակատարում ունեն մեր պայքարի այս փուլում»,- գրել է նա իր ինստագրամյան էջում, հավելելով. «Գործողությունն անցկացնելու համար ամբողջ երկրում ստեղծվում են «Ազատության աջակցման կոմիտեներ», որոնց հանձնարարվելու է գործողություններ քարոզել  ամեն մի շրջանում, սեկտորում, արհմիությունում, կրթական հաստատությունում, պետական մարմնում՝ բռնատիրությանը վերջ տալու համար»: