Վրաստանի ընդդիմությունը մտավախություն ունի` ձերբակալությունները կշարունակվեն

Վրաստանի ընդդիմությունը մտավախություն ունի, որ երկրում կշարունակվեն ընդդիմադիրների ձերբակալությունները: Այդ մասին լրագրողներին ասել է ընդդիմության առաջնորդներից մեկը` Գեորգի Վաշաձեն. հայտնում է interpressnews.ge-ն:

Նա չի բացառել, որ Դավիթ Կիկիտաձեի  ձերբակլությունից հետո կլինեն նորերը:

Վաշաձեն նաև հայտնել է, որ միավորված ընդդիմության ներկայացուցիչները հանդիպումներ են ունեցել դիվանագիտական կորպուսի ներկայացուցիչների հետ և տեղեկատվություն տրամադրել երկրում կատարվող իրադարձությունների մասին:

«Երկրում ուժեղանում է օլիգարխիկ բռնապետությունը, որի նպատակն է ձերբակալել քաղաքական առաջնորդներին»,- ասել է  նա:

Նշենք, որ ընդդիմությունը հայտարարել է  անժամկետ ցույցերի մասին, նրանք պահանջում են արտահերթ խորհրդարանական ընտրությունների անցկացում: