Որքան քվե են ստացել «Իմ քայլ»-ից թեկնածու առաջադրված լրագրողները

Ներկայացնում ենք «Իմ քայլը» դաշինքի ընտրական ցուցակով առաջադրված վարկանիշային թեկնածու լրագրողների ստացած ձայները: Նշենք, որ «Իմ քայլը» դաշինքում ընդգրկված էր պատգամավորության թեկնածու 10 լրագրող:

«Իմ քայլը» դաշինքով առաջադրված թեկնածու լրագրողներից են`«Ազատություն» ռադիոկայանի թղթակից Սիսակ Գաբրիելյանը, «Ժողովուրդ» օրաթերթի գլխավոր խմբագիր Թագուհի Թովմասյանը, հանրային կապերի մասնագետ Անուշ Բեղլոյանը, Հանրային հեռուստաընկերության լրատվական և վերլուծական հաղորդումների տնօրեն Վահագն Թևոսյանը, PARA TV-ի գլխավոր պրոդյուսեր, 1in.am-ի նախկին թղթակից Արթուր Հովհաննիսյանը, «Հայկական ժամանակ»-ի տնօրեն Հայկ Գևորգյանը, «Հայկական ժամանակ»-ի նախկին լրագրող Վահագն Հովակիմյանը, «Հոդված 3» ակումբի հիմնադիր Գայանե Աբրահամյանը, հաղորդավարուհի Լուսինե Բադալյանը, 168.am կայքի տնտեսական բաժնի խմբագիր Բաբկեն Թունյանը:

Վահագն Թևոսյանը, Հայկ Գևորգյանը և Բաբկեն Թունյանն ընդգրկված են դաշինքի` միայն համապետական ցուցակում:

Սիսակ Գաբրիելյանը ստացել է 2934 քվե,

Թագուհի Թովմասյանը` 7 114,

Անուշ Բեղլոյանը` 812,

Արթուր Հովհաննիսյանը` 673,

Վահագն Հովակիմյանը` 3 585,

Գայանե Աբրահամյանը` 2607,

Լուսինե Բադալյանը` 2 042: