Քաղաքական վենդետա. Աշոտյանը քննչական վարչություն հրավիրվելուց հետո «լայվ» է մտել (վիդեո)

ՀՀԿ փոխնախագահ Արմեն Աշոտյանը ֆեյսբուքյան ուղիղ եթերում պատմել է նոյեմբերի 28-ին Երևանի քննչական վարչությունում տեղի ունեցած հարցաքննության մասին:

Նա նշել է, որ հարցաքննության է կանչվել մի քրեական գործով, որը հարուցվել էր դեռևս իշխանափոխությունից առաջ, իսկ ինքն այդ գործում ներգրավվել է «ընդդիմադիր դառնալուց հետո»: Ըստ նրա՝ կրթության և գիտության նախարար եղած ժամանակ խնդրել է մանկավարժական համալսարանի ռեկտորին, որպեսզի հետ կանչի ԴԱՀԿ կատարողական թերթիկը և կասեցնի Գեղարքունիքի Զոլաքար գյուղի դպրոցից մի քանի միլիոն դրամ գանձելու իր պահանջը, քանի որ, ըստ Աշոտյանի, դպրոցը չէր կարող կատարել այդ պարտավորությունը, հայտնվել էր փակման եզրին և վտանգվել էր երեխաների կրթության իրավունքը։

«Քրեական հոդվածը կոչվում է պաշտոնեական դիրքի վերազանցում՝ զավեշտալի մի պատմություն, որը չի տեղավորվում որևէ տրամաբանության մեջ»,- ասում է ԿԳ նախկին նախարարը, ապա անցնում քաղաքական գնահատականներին:

Շարունակությունը դիտեք այստեղ: