Երկրի անվտանգությունն ու ազգային արժեքների պահպանումն առաջնային է․ ՀՅԴ

Քարոզարշավի երկրորդ օրը Դաշնակցության ներկայացուցիչները Երեւանի եւ Հայաստանի տարբեր բնակավայրերում շարունակել են հանդիպումներն ընտրողների հետ։

Կուսակցության անդամները պնդում են՝ Դաշնակցության համար առաջնային են երկրի անվտանգությունն ու ազգային արժեքների պահպանումը:

ՀՅԴ համամասնական ցուցակում ընդգրկված Արթուր Եղիազարյանը Մալաթիա-Սեբաստիա եւ Շենգավիթ վարչական շրջանները ներառող թիվ 3 ընտրատարածքում ներկայացված է նաեւ ռեյտինգային ընտրակարգով: Այս ընտրակարգին Դաշնակցությունը միշտ դեմ է արտահայտվել: Արթուր Եղիազարյանի համոզմամբ` կուսակցությունը խորհրդարանական նախորդ ընտրություններին մեծ թվով ձայներ չհավաքեց քաղաքական ուժերի միջեւ ծրագրային պայքարի, քաղաքական դիսկուրսի բացակայության պատճառով. ով ինչպես պատահի փորձում էր ձայն հավաքել:

Մանրամասները՝ Yerkirmedia-ի տեսանյութում։