Ադրբեջանում ընթանում է Կարեն Ղազարյանի գործով հերթական դատական նիստը. լուսանկարներ

Ադրբեջանի Գյանջա քաղաքում սկսվել է գերեվարված ՀՀ քաղաքացի Կարեն Ղազարյանի գործով դատական նիստը. հայտնում է Report.az կայքը:

Ղազարյանն Ադրբեջանում մեղադրվում է երկրի Քրեական օրենսգրքի մի շարք հոդվածներով, այդ թվում՝ հասարակական անվտանգության, սահմանադրական կարգի հիմունքների, կառավարման կարգի և պետության անվտանգության դեմ հանցագործությունների մեջ: Նշվում է անգամ, թե նա փորձել է «ահաբեկչություններ իրականացնել» երկրի տարածքում:

Հիշեցնենք, որ Տավուշի մարզի սահմանամերձ Բերդավան գյուղի բնակիչ Կարեն Ղազարյանն անհայտ պատճառներով հայտնվել էր ադրբեջանական տարածքում: Ըստ ՀՀ ԱԳՆ-ի` նա կապ չունի բանակի հետ և հոգեկան խնդիրներ ունի: