Իր անունով փողոց անվանակոչած Նոր Գեղի համայնքի ղեկավար Ֆրոնտիկ Թեւոսյանը հրաժարականի դիմում է ներկայացրել

Armtimes.com-ը հաղորդում է, որ իր անունով փողոց անվանակոչած Նոր Գեղի համայնքի ղեկավար Ֆրոնտիկ Թեւոսյանն այսօր ավագանուն հրաժարականի դիմում է ներկայացրել: Համայնքի ավագանին արձանագրել է հրաժարականը և օրենքով սահմանված կարգով դիմել մարզպետին:

Մարզպետը սահմանված ժամկետում, համաձայն ՏԻՄ օրենքի 26-րդ և 27-րդ հոդվածների, կնշանակի համայնքի ղեկավարի պաշտոնակատար՝ մինչև համայնքի ղեկավարի արտահերթ ընտրություն։

Հիշեցնենք, որ Ֆրոնտիկ Թեւոսյանն այս համայնքը ղեկավարում էր 1986 թվականից: Նա 2015 թվականին Կոտայքի մարզի Նոր Գեղի գյուղի կենտրոնական փողոցմ անվանակոչել էր իր անունով: Այդ «նվերը» գյուղապետի 70-ամյակին էր եղել՝ ավագանու որոշմամբ, իսկ 65-ամյակին էլ երաժշտական դպրոցն էր իր անունով անվանակոչել: