Խոշոր ավտովթար Երևանում, վարորդը գտնվել է ոչ սթափ վիճակում. կա 9 վիրավոր

Այսօր՝ օգոստոսի 31-ին, խոշոր ավտովթար է տեղի ունեցել Երևանում; Ժամը 08:40-ի սահմաններում Մազմանյան փողոցում ժողովրդին հայտնի «Կվարտալի խաչմերուկում» բախվել են Mercedes մակնիշի 35 NR 377 համարանիշի և Երևանի բնակիչ, 52-ամյա Արթուր Ավետիսյանի վարած ГАЗ 32213 մակնիշի 49 94 Տ համարանիշի թիվ 27 երթուղին սպասարկող մարդատար ГАЗель-ը:

Shamshyan.com-ի փոխանցմամբ` բախման հետևանքով 9 հոգի մարմնական վնասվածքներով տեղափոխվել են Երևանի տարբեր հիվանդանոցներ:

Դեպքի վայր էր ժամանել 35-ամյա Արտակ Ստեփանյանը և ոստիկաններին ասել է, որ  ինքնազգացողությունը վատացել է, ինչն էլ եղել է վթարի պատճառ: Ավելի ուշ Երևանի ՃՈ աշխատակիցները հայտնաբերել են Mercedes-ի իրական վարորդին, ով Երևան քաղաքի Արշակունյաց պողոտայի բնակիչ, 44-ամյա Արմեն Մելիքյանն է: Վերջինը տեղում ենթարկվել է սթափության փորձաքննության: Պարզվել է, որ  նա ավտոմեքենան վարել է ոչ սթափ  վիճակում: Խմածության աստիճանը եղել է ամենաբարձրը:

Ոստիկանությունը պարզում է վիրավորների ինքնությունը: