ՌԴ-ի` ՀՀ-ին զենք չմատակարարելու արձագանքը ադեկվատ չէ. ռուս փորձագետ

ՀԱՊԿ-ը հավաքական կազմակերպություն է, որի մեջ մտնում է հինգ երկիր, այլ ոչ թե` երկու: Այդ պատճառով զենքի մատակարարումները դադարեցնելու` Ռուսաստանի արձագանքը բոլորովին անադեկվատ է, եթե դա իսկապես այդպես է: Այդ մասին Взгляд-ին ասել է ռազմական փորձագետ Ալեքսանդր Խրամչիխինը:

Փորձագետը նաև չի բացառել, որ նման որոշման դեպքում Հայաստանը կսկսի նոր մատակարարողներ որոնել: Ըստ նրա` Երևանի համար Ռուսաստանի նման որոշումը «նշանակալի» կլինի:

Հիշեցնենք, որ Коммерсантъ-ը, իր աղբյուրներին հղումով, ավելի վաղ հայտնել էր, որ ՀԱՊԿ գլխավոր քարտուղար Յուրի Խաչատուրովի դեմ առաջ քաշված մեղադրանքների պատճառով մեծ հարցականի տակ են հայտնվել ՀՀ-ին ռուսական զենքի մատակարարումները: