Կեսգիշերին Թուրքիայում չեղարկվել է արտակարգ դրության ռեժիմը

Թուրքիայում դեռևս երկու տարի առաջ` ռազմական հեղաշրջման փորձից անմիջապես հետո, հայտարարված և բազմիցս երկարաձգված արտակարգ դրության ռեժիմը երեկ կիսգիշերին չեղարկվել է. տեղեկացնում է Demokrathaber-ը:

Նշենք, որ Թուրքիայում ռազմական հեղաշրջման փորձն իրականացնելու մեջ մեղադրվում է Էրդողանի գլխավոր ընդդիմադիր, իսլամի քարոզիչ` ամերիկաբնակ Ֆեթուլլահ Գյուլենը: Նրա արտահանձնման համար Թուրքիան բազմիցս դիմել է ԱՄՆ-ին, սակայն` ապարդյուն:

Ակնհայտ է, որ Թուրքիայի իշխանություններն արտակարգ դրության ռեժիմը բազմիցս երկարաձգել են Էրդողանի միանձնյա իշխանությունն ավելի հզորացնելու և երկրի ղեկավարությունը նրան լիովին հանձնելու նպատակով:

Արտակարգ դրության ռեժիմի ընթացքում Թուրքիայում գրանցվել են բազմաթիվ ձերբակալություններ, աշխատանքից հեռացման, ինչպես նաև ազատ խոսքի իրավունքի ոտնահարման բազմաթիվ դեպքեր: