Սերժ Թանկյանն արդեն Երևանում է

Աշխարհահռչակ ռոք երաժիշտ Սերժ Թանկյանը քիչ առաջ ժամանեց Երևան: Նրան դիմավորելու էր գնացել Նիկոլ Փաշինյանը: Նա կարճ զրույց ունեցավ լրագրողների հետ, և խոսելով Հայաստանում տեղի ունեցող իրադարձությունների մասին, ասաց. «Մի գեղեցիկ հեղափոխություն էր, երբ գալիս է ժողովրդի ոտքի կանգնելու ժամանակը, ոչինչ չի կարող կանգնեցնել նրան»։

Նրա խոսքով` սփյուռքում ուշադրությամբ հետևել են Հայաստանում տեղի ունեցող իրադարձություններին, և երկու շաբաթ չեն քնել

 «Ողջ սփյուռքահայությունը ոգով-սրտով ձեր կողքին է։ Երազանք մըն էր, որ հիմա իրականացավ»,- ասաց Սերժ Թանկյանը: Աշխարհահռչակ ռոք երաժիշտը Նիկոլ Փաշինյանի հետ միասին ուղևորվեցին դեպի  Հանրապետության Հրապարակ, որտեղ հարթակից կողջունեն հավաքված քաղաքացիներին: