Շատ ոգևորված եմ. Սերժ Թանկյանն ունկնդրեց իր սիմֆոնիան Երիտասարդականի փորձի ժամանակ

Շատ ոգևորված եմ, որ իմ սիմֆոնիան հնչելու է Խաչատրյանի անվան փառատոնում. լրագրողների հետ զրույցում ասաց աշխարհահռչակ ամերիկահայ ռոք երաժիշտ և կոմպոզիտոր Սերժ Թանկյանը:

Նա այսօր այցելեց կոնսերվատորիա` լսելու Հայաստանի պետական երիտասարդական նվագախմբի` իր ստեղծագործության` «Օրկա» սիմֆոնիայի փորձը: Թանկյանը լսեց փորձն ու արեց իր առաջարկությունները:

«Օրկա» սիմֆոնիայի հայաստանյան պրեմիերան տեղի կունենա հոկտեմբերի 19-ին` Խաչատրյանի անվան փառատոնի շրջանակներում:

Տեղեկացնենք, որ «Orca Symphony No 1»-ն ձայնագրվել է 2012-ի հոկտեմբերին Ավստրիայի Լինց քաղաքում: Պաշտոնապես ալբոմի տեսքով թողարկվել է 2013թ. հունիսի 25-ին:

Երաժիշտն ասում է, որ գրել է «Օրկան» մարդասիրության մասին խոսելու նպատակով` օրկային՝ խոյադելֆինին համեմատելով մարդկանց հետ: Ստեղծագործության չորս բաժինները ներկայացնում են խոյադելֆինի կյանքի ճանապարհը:

Թանկյանի սիմֆոնիայի մասին մանրամասներին կարող եք ծանոթանալ` այստեղ:

«Օրկա»-ի կատարումից մի հատված` տեսանյութում: