Ֆրանսիան այլևս չի պնդում, որ Ասադը հեռանա․ ՌԴ-ում Ֆրանսիայի դեսպան

Ֆրանսիան այլևս չի պնդում, որ Սիրիայի նախագահ Բաշար Ասադը հեռանա իր պաշտոնից։ Այս մասին ասել է ՌԴ-ում Ֆրանսիայի դեսպան Սիլվի Բերմանը Коммерсант –ին տված հարցազրույցում։

«Մենք սիրիացի ժողովրդի փոխարեն որոշումներ չենք կայացնելու, սակայն Բաշար Ասադի պարտադիր հեռացման մասին այլևս խոսք չի գնում:  Սոչիում կայացած Սիրիական ազգային երկխոսության կոնգրեսի ընթացքում ձևակերպվել է գաղափար, որը ենթադրում է սահմանադրական կոմիտեի ստեղծում, որը պետք է զբաղվի նոր Սահմանադրության մշակմամբ։ Սակայն ինձ թվում է, որ սիրիական ռեժիմը դեռ այդ հարցով չի զբաղվում»,- մասնավորապես ասել է դեսպանը` անդրադառնալով համապատասխան հարցին: