Փաշինյանը ներկայացրեց երկխոսելու մի քանի կետերը

Այսօր Հանրապետության հրապարակում հերթական հանրահավան անցկացրեց «Քաղաքացիական պայմանագիր» կուսակցության ղեկավար Նիկոլ Փաշինյանը: Նա խոսեց այն մասին, թե ինչպես է պատկերացնում հետագա քաղաքական զարգացումները: Փաշինյանը մի քանի  կետ շարադրեց:

1. Սերժ Սարգսյանը հրաժարական է տալիս վարչապետի պաշտոնից

2. Ազգային ժողովը վարչապետ է ընտրում ժողովրդի թեկնածուին

3. Ձևավորվում է ժամանակավոր կառավարություն

4. Վարչապետ նշանակվելուց 20 օր հետո ԱԺ-ն պետք է հավանություն տա կառավարության ծրագրին: 

5. Ձևավորվում է  ժամանակավոր կառավարություն,  քաղաքական պայմանավորվածության համաձայն Ազգային ժողովը չի ընդունում կառավարության ծրագիրը, որից հետո տեղի են ունենում արտահերթ խորհրդարանական ընտրություններ:

Փաշինյանը հավելեց, որ այս կետերն իրենք պատրաստ են քննարկել ՀՀԿ ներկայացուցիչների հետ, որպեսզի ապահովեն իշխանության անցնցում փոխանցումը ժողովրդին:

 «Բայց այստեղ կա մի կարևոր նախապայման, որ տեղի ունենալիք արտահերթ խորհրդարանական ընտրությունների արդյունքները որևէ մեկի կողմից կասկածելի պիտի չլինեն, դա պետք է լինի 100 տոկոսով մաքուր ու ազատ ընտրություն,- ասաց Նիկոլ Փաշինյանը: