Ռուսական կողմը դիվանագիտական պատերազմ չի սկսել. Պեսկով

ՌԴ նախագահի մամուլի քարտուղար Դմիտրի Պեսկովը հայտարարել է, որ ռուսական կողմը դիվանագիտական պատերազմ չի սկսել. հայտնում է Газета.ру-ն:

Նրա խոսքով` Ռուսաստանի նախագահը եղել և մնում է բոլոր երկրների, այդ թվում` ԱՄՆ-ի հետ լավ հարաբերությունների կառուցման կողմնակիցը, Ռուսաստանը երբեք չի եղել պատժամիջոցների փոխանակման նախաձեռնողը:

Նշնենք, որ Ռուսաստանը պատասխանել էր ԱՄՆ-ի` 60 ռուսաստանցի դիվանագետների արտաքսելու որոշմանը, ինչին ի պատասխան Սպիտակ տունը հայտարարել էր, որ այդ քայլերը արդարացված չեն:

Դիվանագետների արտաքսումը ԱՄՆ-ի կողմից կապված է ռուս նախկին լրտես Սերգեյ Սկրիպալի թունավորման հետ, որի մեջ Լոնդոնը Մոսկվային է մեղադրում: