Արցախում ականի պայթյունից տուժած երկու տղաներին էլ վիրահատում են

Տեղեկացրել էինք, որ ժամեր առաջ արտակարգ ու ողբերգական դեպք է տեղի ունեցել Արցախում։ Մարտակերտ քաղաքի հարեւանությամբ գտնվող չեզոք գոտում «Նիվա» մակնիշի ավտոմեքենան ականի վրա պայթել է, ինչի հետեւանքով կա 3 զոհ և 2 վիրավոր։ Զոհերն ու վիրավորները HALO Trust-ի աշխատակիցներ են:

Ստեփանակերտի հիվանդանոցից Yerkir.am-ի հետ զրույցում հայտնեցին, որ պայթյունի հետևանքով երկու տղաներն էլ տարբեր վնասվածքներ են ստացել:

«Նրանցից մեկը վնասվածք է ստացել ոտքերի շրջանում, և ինչպես տեղեկացրել էինք, նրան վիրահատում են, իսկ մյուս տղայի մոտ ներքին արյունահոսություն է առկա: Նրան նույնպես վիրահատում են»,- ասացին հիվանդանոցից:

Տեղեկացրեցին նաև, որ երկու տղաներն էլ՝ Արամ Մկրտչյանն ու Գարիկ Ղահիրյանը, ԱՀ քաղաքացիներ են: