Ալիևը նման է վտանգավոր խելագարի. ռուս լրագրող

Ռուս լրագրող և հրապարակախոս Ալեքսանդր Նևզորովը Эхо Москвы ռադիոկայանի «Невзоровские среды» հաղորդման ժամանակ անդրադարձել է Ադրբեջանի նախագահ Իլհամ Ալիևի՝ «Երևանը վերադարձնելու» մասին հայտարարությանը և նրան «վտանգավոր խելագար» անվանել:

«Ադրբեջանում ունենք հարգելի Ալիևին, ով թվում է վտանգավոր խելագար` Երևանի մասին իր խոսակցություններով»,- ասել է Նևզորովը:

Նա հավելել է, որ Ռուսաստանի բախտն այնքան էլ չի բերում տարբեր երկրների նախագահների առումով։ Լրագրողը բերել է Մոլդովայի նախագահ Իգոր Դոդոնի, Թուրքիայի  նախագահ Ռեջեփ Թայիփ Էրդողանի, Հս. Կորեայի առաջնորդ Կիմ Չեն Ընի, Ֆրանսիայի նախագահ Էմանուել Մակրոնի օրինակները:

«Ասենք թե Ալիևի հայտարարությունները նախագահական մարազմ էին և նախագահական քայլ, ընդամենը` նախագահական քայլ, սակայն այդ մտքի շուրջ հավաքվեցին ակադեմիկոսներ, պատմաբաններ և հիմնավորեցին այդ նախագահական մարազմը»,-հավելել է լրագրողը: