Թրամփի մասին սենսացիոն բացահայտումներով գիրքը վաճառքի է հանվել

Լրագրող Մայքլ Ուոլֆի ԱՄՆ նախագահ Դոնալդ Թրամփի մասին սկանդալային գիրքը կսկսի վաճառվել այսօրվանից: Այս մասին տեղեկանում ենք BBC-ից:

Թրամփի փաստաբանները փորձել են արգելել գրքի վաճառքը, որտեղ սենսացիոն մանրամասներ կան Թրամփի նախագահության մասին: Թրամփի փաստաբանները ծանուցագիր են ուղարկել գրքի հեղինակին՝ պահանջելով դադարեցնել գրքի վաճառքն ու տարածումը:

Գրքում, ի թիվս այլ հարցազրույցների, առկա է նաև հարցազրույց Թրամփի վարչակազմի ստրատեգիական հարցերով նախկին գլխավոր խորհրդական Սթիվ Բենոնի հետ, ով «տհաճ» հայտարարությւոններ է արել ԱՄՆ նախագահի հասցեին: Սթիվ Բենոնը, օրինակ, ընտրությունների նախօրեին Թրամփի որդու հանդիպումը մի խումբ ռուսների հետ որակել է «դավաճանություն»: Նշենք, որ այդ հանդիպումը ենթադրել է տվել, որ ռուսների «մատը խառն» է եղել Թրամփի՝ նախագահական ընտրություններում հաղթելու գործում: