Երևանի այգիներից մեկում վիճաբանությունն ավարտվել է դանակահարությամբ. պատճառն անծանոթուհին էր

Շենգավիթ վարչական շրջանի դատախազությունը նույն շրջանի դատարան է ուղարկել ուրիշի առողջությանը դիտավորությամբ վնաս պատճառելու վերաբերյալ հերթական քրեական գործը: Դատական տեղեկատվական համակարգում ներկայացված մեղադրանքի համաձայն՝ Սերյոժա Սարգսյանը 2017թ. նոյեմբերի 7-ին իր ծանոթ Էդուարդ Ամիրբեկյանի հետ շրջել են Երևան քաղաքի այգիներից մեկում:

Այդ ժամանակ նշված այգու վերջնամասում Սարգսյանը նկատել է շան հետ միասին զբոսնող, իրեն անծանոթ Էլմիրա Կ-ին, մոտեցել է վերջինիս, փորձել է սիրել շանը ու միաժամանակ հարցեր է ուղղել Կարապետյանին:

Այդ պատճառով Էդուարդ Ամիրբեկյանի և Սերյոժա Սարգսյանի միջև վիճաբանություն է առաջացել: Վիճաբանության ընթացքում Ամիրբեկյանը Սարգսյանին հարվածել՝ գցել է գետնին, այնուհետև Սարգսյանը բարձրացել ու Էդուարդ Ամիրբեկյանին մարմնական վնասվածք պատճառելու դիտավորությամբ իր մոտ գտնվող գաղտնի փական ունեցող դանակով հարվածել է Ամիրբեկյանի որովայնի շրջանին և նրա առողջությանը դիտավորությամբ պատճառել կյանքին վտանգ սպառնացող ծանր վնաս` ուղեկցված ներքին արյունահոսությամբ:

Էդուարդ Ամիրբեկյանին մեղադրանք է առաջադրվել ՀՀ ՔՕ 112-րդ հոդվածի 1-ին մասի հատկանիշներով և նրա նկատմամբ, որպես խափանման միջոց է ընտրվել կալանավորումը: