Թուրքիան արտակարգ դրությունից դուրս չի գալիս. այն կերկարաձգվի արդեն 5-րդ անգամ

Թուրքիայում նախորդ տարվա հուլիսի 15-ի ռազմական փորձից հետո հայտարարված արտակարգ դրությունը ծրագրում են դարձյալ երկարաձգել՝ արդեն 5-րդ անգամ. տեղեկացնում է Demokrathaber-ը: Այդ մասին հայտարարել է իշխող «Արդարություն և զարգացում» կուսակցության անդամ Մուսթաֆա Ալիթաշը:

Նա նշել է, որ արտակարգ դրությունը երկարաձգելու մասին առաջարկը մեջլիսում կքննարկվի երկուշաբթի: Հաստատվելու դեպքում՝ Թուրքիայում ևս երեք ամսով կերկարաձգվի արտակարգ դրությունը:

Նշենք, որ Թուրքիայում մի շարք քաղաքական ուժեր և անհատներ կտրականապես դեմ են արտակարգ դրության երկարաձգմանը, քանի որ, ըստ նրանց, Էրդողանն այն օգտագործում է իր ուժը երկրում ավելի հաստատուն դարձնելու նպատակով: