Աղտոտված օդը մարդու կյանքը կրճատում է մոտ 10 տարով. հետազոտություն

Աղտոտված օդի հետևանքով մարդիկ մի քանի տարի ավելի վաղ են մահանում սահմանված մոտավոր ժամանակից: Նման եզրահանգման են եկել Առողջապահության միջազգային կազմակերպության մասնագետներն ու Դանիայի համալսարանի գիտնականները:

Նրանք պարզել են, որ աղտոտված միջավայրում ապրող մարդիկ միջինացված ցուցանիշից 10 տարի ավելի քիչ են ապրում: Այս տեսակետն առաջ է քաշվել այն բանից հետո, երբ վերլուծել են  Eurostat համաեվրոպական վիճակագրական բյուրոյի վերջին 40 տարվա ընացքում հավաքած տվյալները և ԱՄՆ-ում նման վիճակագրությունը:

«Օդում աղտոտիչների ծավալի ավելացումը 1 խորանարդ մետրում թեկուզ 10 միկրոգրամով կարող է մարդու կյանքը կրճատել 9-11 տարով»,-նշել են ուսումնասիրության հեղինակները: 

Նշենք, որ օդի աղտոտիչներ են համարվում մուրը, ծծմբի երկօքսիդը և տրանսպորտային միջոցների ու գործարանների արտանետած այլ վտանգավոր տարրեր: