Լվացք անելն ու աման լվանալը երկարացնում է կյանքը. հետազոտություն

ԱՄՆ-ում արված նոր հետազոտության համաձայն՝ շատ կանանց համար ոչ այնքան հաճելի՝ աման լվանալու և լվացքը ձեռքով անելու գործընթացը, ինչպես նաև տան առօրյա գործերը երկարացնում են կյանքը:

«Journal of the American Geriatrics Society» ամսագրում հրատարակված զեկույցի համաձայն՝ տան գործը նվազեցնում է մահացության ռիսկը:

ԱՄՆ Բուֆալո համալսարանում արված հետազոտությանը մասնակցել է 6000 կին՝ 65-ից 99 տարեկան: Հետազոտությունն իրականացնողները հատուկ սարքավորումների միջոցով մեկ շաբաթ շարունակ հետևել են կանանց, որոնք ակտիվորեն տան գործ են արել: Արդյունքում հայտնի է դարձել, որ օրական առնվազն 30 րոպե լվացք անելն ու աման լվանալը, ինչպես նաև ֆիզիկական ակտիվություն պահանջող այլ գործերը 12 տոկոսով նվազեցնում են մահվան ռիսկը:

Զեկույցի համաձայն՝ օրական մեկ ժամ տան գործեր անելը 39 տոկոսով երկարացնում է կյանքը: