Իզմիրում ՆԱՏՕ-ին պատկանող ռազմական տարածքի հարևանությամբ պայթյուն է տեղի ունեցել

Իզմիրի Քոնակ գավառում` ՆԱՏՕ-ին պատկանող ռազմական տարածքի և գերեզմանոցի միջև ընկած հատվածում, պայթյուն է  տեղի ունեցել:  Այս մասին հայտնում է թուրքական «Միլլիյեթ» թերթը:

Ըստ Ermenihaber-ի՝ թուրքական ժամանակով առավոտյան ժամը 7:50-ին տեղի ունեցած պայթյունի հետևանքով ռազմական տարածքը շրջապատող պարիսպը փլվել է, իսկ մոտակայքում գտնվող շենքերի պատուհանների ապակիները՝ կոտրվել: Գյուլթեփե կոչվող թաղամասում տեղի ունեցած պայթյունի հետևանքով զոհեր և վիրավորներ չկան:

Թաղամասի բնակիրչներից Իսմեթ Չաքըչջըն թուրքական «Անադոլու» լրատվական գործակալության թղթակցի հետ զրույցում ասել է որ դեպքի պահին եղել է իր տան պատշգամբում և նկատել է, որ պայթյունը տեղի է ունեցել այդ տարածքով ռազմական մեքենայի անցնելուց անմիջապես հետո: