Թուրքիայում օրական մոտ 37 միլիոն դոլարի ծխախոտ է սպառվում

Թուրքիայում վերջին 5 տարվա ընթացքում 494.3 միլիարդ տուփ ծխախոտ է սպառվել: Թուրքական «Diken» լրատվական կայքի տեղեկացմամբ՝ այդ քանակությամբ ծխախոտի սպառման համար ծախսվել է 185 մլրդ 5 մլն թուրքական լիրա (մոտ 52 մլրդ 500 մլն. ԱՄՆ դոլար): Վերջին 5 տարիներին ամեն ամիս ծխախոտի վրա ծախսվել է 3 մլրդ 996 մլն լիրա (մոտ 1.130 մլրդ դոլար), օրական՝ 131 մլն 371 հազ. լիրա (մոտ 37 մլն դոլար). տեղեկացնում է Ermenihaber-ը:

Թուրքիայում ծխախոտի և ալկոհոլի շուկան կարգավորող հաստատության տվյալներով` ծխախոտի սպառման ամենաբարձր ցուցանիշը գրանցվել է 1999 թվականին, երբ մեկ տարվա ընթացքում վաճառվել է 114.4 միլիարդ տուփ ծխախոտ: 
Ծխելու նկատմամբ արգելքների ու վերահսկողության սահմանումից հետո այս ցուցանիշը 12 տարվա ընթացքում նվազել է 20 տոկոսով՝ 2011-ին կազմելով 91.2 միլիարդ տուփ: