Տաքսիների ''զնակները'' սպառվում են, վարորդներն էլ ''աերոպորտի գներ'' են սահմանում

Գաղտնիք չէ, որ Ամանորը տաքսիների վարորդների համար ամենաեկամտաբեր ժամանակահատվածն է. Տրանսպորտն այդ օրերին վատ է աշխատում, և մարդիկ, բնականաբար,   երթևեկում են տաքսիներով: Դա է պատճառը, որ այս օրերին մայրաքաղաքում կտրուկ աճել է տաքսիների քանակը:

Yerkir.am-ի տեղեկություններով`  մայրաքաղաքի ավտոպահեստամասերի կետերում տաքսիների տարբերանշանների աննախադեպ վաճառք է գրանցվել: Որոշ խանութներում անգամ անհնար է նման տարբերանշաններ ձեռք բերել: Մեզ հետ զրույցում սպառված տարբերանշանների խանութների մի քանի պատասխանատուներ նշեցին, որ ոչ մի տարի նման վաճառք չի գրանցվել:

Ի դեպ, տաքսիստների թվի աճին զուգահեռ փոփոխվում է նաև գնային քաղաքականությունը: Տաքսիների վարորդներն ուղևորներին փոխադրելու համար  «աերոպորտի գներ» են սահմանում: Սակայն զավեշտալին դրա պատճառաբանություններն են: Օրինակ` երեկ մեր լրագրողին նախատեսված վայր հասցնելու համար կրկնակի գումար պահանջած տաքսու վարորդը բացատրել է. «Էս օրերին սաղ ռայոնների ժողովուրդը գալիս ա քաղաք` առևտրի, դրա համար էլ պրոպկաներ են լինում: Քաղաքում անհնար է նման պայմաններում սովորական գնով քշել»: