Ծառուկյանն է որոշելու. դաշինքի թեկնածուները սպասում են

«Ծառուկյան» դաշինքի՝ ինքնաբացարկ հայտնած, ապա այդ դիմումը չեղարկելու հայտ ներկայացրածների՝ խորհրդարանում լինել-չլինելու հարցը կորոշվի այսօր՝ դաշինքի ղեկավար Գագիկ Ծառուկյանի հետ կայանալիք հանդիպման ժամանակ: Այս մասին Yerkir.am-ին հայտնեց «Ծառուկյան» դաշինքից պատգամավոր ընտրված Նապոլեոն Ազիզյանը:  Նրա խոսքով՝ թեև պատգամավոր լինելու ցանկությունը մեծ է  և շարունակում է մնալ կարծիքին, որ իրեն ժողովուրդն է ընտրել ու անարդար է դեմ գնալ ժողովրդի կամքին, բայց, միևնույն է, որոշողը Գագիկ Ծառուկյանն է:

Ազիզյանն ասաց, որ ոտքն արդեն լավացել է և անպայման գնալու է Ծառուկյանի հետ հանդիպմանը: «Երբ ավարտվի հանդիպումը, ամեն ինչ պարզ կլինի, կորոշվի՝ ով է լինելու խորհրդարանում»,- ասաց նա:

Ի դեպ, Ազիզյանն ասաց նաև, որ տեղյակ չէ՝ մյուս թեկնածուները, ովքեր  ինքաբացարկի դիմումը չեղարկելու հայտ էին ներկայացրել, կգա՞ն հանդիպմանը, թե՞ ոչ: