Տարոն Մարգարյանի կյանքը հիմա էլ է դժոխք. Նիկոլ Փաշինյան

Տեղեկացրել ենք, որ այսօր «Ելք» դաշինքի անդամներ Նիկոլ Փաշինյանը և Էդմոն Մարուքյանը հանդիպում ունեցան լրագրողների հետ, ներկայացրեցին հայտարարություն Երևանի ավագանու ընտրությունների վերաբերյալ:

Նիկոլ Փաշինյանը հայտնեց, որ վերցնելու է ԱԺ մանդատը, իսկ իրենց դաշինքից ավագանի ընտրված մյուս անդամները գնալու են ավագանի:

Նաև հայտարարվեց, որ «Ելք»-ը ճանաչում է ընտրությունների արդյունքները: «Եղել են ընտրակաշառքի դեպքեր, բայց տեղերում մենք պահպանել ենք մեր ձայները»,- ասաց Մարուքյանը:

Հարցին՝ Զարուհի Փոստանջյանը հայտարարել է, որ օր ու արև չի տալու Տարոն Մարգարյանին, իրենց դաշինքն ի՞նչ է անելու, Մարուքյանն արձագանքեց. «Ես զարմացա այս հարցից, իսկ ի՞նչ է, նա վերցնելո՞ւ է մանդատները: ԱԺ ընտրություններից հետո նա հայտարարեց` եթե մենք վերցնենք մանդատները, ուրեմն իշխանության հետ ենք: Հիմա` եթե նա վերցնի, ուրեմն իր այդ հայտարարությունը իրեն էլ է վերաբերում»:

Փաշինյանն էլ հայտարարեց, որ իրենք փորձելու են երևանցիների կյանքը թեթևացնել: «Տարոն Մարգարյանի կյանքը հիմա էլ է դժոխք: Իսկ մենք փորձելու ենք երևանցիների բեռը թոթափել»,- ասաց նա: