Լավ չեմ վերաբերվում Սեյրան Օհանյանի գործունեությանը. Վլադիմիր Գասպարյան

Այսօր Հաղթանակի զբոսայգում ոստիկանապետ Վլադիմիր Գասպարյանը լրագրողների հետ զրույցում անդրադարձավ նաև նախկին պաշտպանության նախարար Սեյրան Օհանյանի ընդդիմադիր գործունեությանը: Նա նշեց, որ լավ չի վերաբերվում Օհանյանի ընդդիմադիր գործունեությանը:

«Ձեր հարաբերությունները վատացել են, երբ նա իշխանության դե՞մ դուրս եկավ» հարցին Գասպարյանը հարցով պատասխանեց. «Ի՞նչ ա նշանակում` ձեր հարաբերությունները վատացել են: Ես չեմ կարծում, որ նա իշխանության դեմ դուրս եկավ, նա դուրս եկավ քարոզարշավի, իսկ քարոզարշավի ժամանակ թույլ են տրվում սխալներ»: Իսկ այդ սխալը, ըստ նրա, «Սասնա ծռեր»-ին հերոս անվանելն էր: «Սպան իրավունք չունի սպա սպանողին այդպես անվանել»,- հայտարարեց Գասպարյանը:

Նա նաև նշեց, որ իր կարծիքը Օհանյանի մասին այդ բանից հետո է փոխվել: