Ես չեմ ուզում ավելորդ տեղը գրգռել մեր հասարակությանը. Վլադիմիր Գասպարյան

Այսօր ՀՀ ոստիկանապետ Վլադիմիր Գասպարյանը լրագրողների հետ զրույցում վստահեցրեց, որ հեղափոխություն չի լինելու:

Հարցին` դա՞ է պատճառը, որ եռյակի կազմակերպած հանրահավաքներին շատ ոստիկաններ չի ուղարկում, պատասխանեց. «Ես այնպիսի մասնագիտության մարդ եմ, ով տիրապետում է շատ ինֆորմացիայի: Ես ավելորդ տեղը ոստիկանական ուժերը չեմ վատնում, որովհետև, բացի ոստիկանական արտաքին ծառայությունից, կան ոստիկանական ծպտյալ, քողարկված ծառայություններ: Ես գիտեմ` ով ինչ ա մտածում, ով ինչ ա շնչում: Ես ո'չ ուզում եմ ավելորդ տեղը գրգռեմ մեր հասարակությանը, ո'չ էլ` ոստիկաններին: Ոստիկանները շատ գործեր ունեն: Վայ էն ոստիկանությանը, որ մտավ քաղաքականության մեջ, վայ էն քաղաքական ուժին, որ ոստիկանություն է մտնելու: Երկուսն էլ կորստյան են մատնվելու»: