Բաքվում Անկարայի ռազմաքաղաքական գործունեությունը սպառնալիք է Մոսկվայի համար. Վիգեն Սարգսյանը` Интерфакс-ին

Թուրքիան, լինելով Հյուսիսատլանտյան դաշինքի անդամ, Ադրբեջանում ռազմաքաղաքական ակտիվ գործունեություն է զարգացնում՝ սպառնալիք ստեղծելով Ռուսաստանի համար: Այդ մասին հայտարարել է ՀՀ պաշտպանության նախարար Վիգեն Սարգսյանը Интерфакс-ի հետ զրույցում:

«Ես հասկանում եմ, որ Ռուսաստանը և Թուրքիան երկխոսության զարգացման շատ դրական ժամանակահատվածում են գտնվում: Բայց ես ամեն դեպքում չէի անտեսի նման լուրջ վտանգը»,- ասել է նա:

Վիգեն Սարգսյանի խոսքով՝ Անկարան նաև բացասական դեր է խաղում Ղարաբաղյան հարցում՝ բացահայտ աջակցելով Բաքվին քաղաքական և սպառազինության ու տեխնոլոգիաների մատակարարման, հրահանգիչների ուղարկման և շատ այլ առումներով, դա զգալիորեն փոխում է դինամիկան տարածաշրջանում:

«Դա շատ լուրջ վտանգներ է ստեղծում, նաև`  Ռուսաստանի հարավային ճակատում, որովհետև տեղի է ունենում Դաղստանի սահմանների մոտ»,- նշել է Վիգեն Սարգսյանը: