Եվրոպայի առաջնություն. Արթուր Ալեքսանյանի անսպասելի պարտությունը. ՏԵՍԱՆՅՈւԹ

Սերբիայի Նովի Սադ քաղաքում ընթացող ըմբշամարտի Եվրոպայի առաջնությունում այսօր պայքարը սկսում են հունահռոմեական ոճի ըմբիշները:

Ռիո-2016-ի Օլիմպիական խաղերի չեմպիոն, 98 կգ քաշային Արթուր Ալեքսանյանն իր առաջին գոտեմարտում հաղթեց լիտվացի ըմբիշին, այնուհետև 1/8 եզրափակչում 5:1 հաշվով առավելության հասավ Սերբիան ներկայացնող մարզիկի նկատմամբ, սակայն քառորդ եզրափակչում պարտվեց Նորվեգիայի ներկայացուցիչ Ֆելիքս Բալդաուիֆին:

Այսպիսով, Ալեքսանյանը բրոնզե մեդալի համար պայքարելու հնարավորություն կունենա միայն այն դեպքում, եթե Ֆելիքս Բալդաուֆը հասնի եզրափակիչ:

Եվրոպայի առաջնությանը Արթուր Ալեքսանյանի մասնակցությունը հաստատվեց միայն վերջին օրերին, քանի որ մարզման ժամանակ վերջինս ծնկի վնասվածք էր ստացել: