Ըմբշամարտի Եվրոպայի պատանեկան առաջնություն. Հարություն Վարդանյանը՝ Եվրոպայի չեմպիոն

Բուլղարիայի Սամոկով քաղաքում ավարտվեց ըմբշամարտի Եվրոպայի պատանեկան առաջնությունը:

Մրցապայքարային վերջին օրը հաջող էր հայ մարզիկների համար:

Հարություն Վարդանյանը 46 կգ քաշային կարգում նվաճեց Եվրոպայի չեմպիոնի տիտղոսը: Մեր ըմբիշը եզրափակիչում հաղթել է ռուս Վիկտոր Վեդերնիկովին:

Նշենք, որ մինչ այդ Հարությունը համոզիչ հաղթանակներ էր  տոնել իսրայելցի Գլեբ Ֆուրդույի՝ 4:0, գերմանացի Նիք Շչերերի՝ 8:0, կիսաեզրափակիչում էլ՝ 10:4 հաշվով մոլդովացի Վալենտին Պետիչի նկատմամբ:

63 կգ քաշային կարգում Արման Բաղդասարյանը եզրափակիչում պարտվեց վրացի Նիկոլազ Չիկայիձեին և դարձավ Եվրոպայի փոխչեմպիոն:

54 կգ քաշային կարգի Էդգար Թամազյանը հաղթեց գերմանացի Էդգար Տատարովին և նվաճեց բրոնզե մեդալը: