Շատ եմ խնդրում, մարշրուտկաները հանեք էլի. Բնակիչը` Տարոն Մարգարյանին

Այսօր Երևանի գործող քաղաքապետ, Երևանի ավագանու ընտրություններում ՀՀԿ թեկնածու Տարոն Մարգարյանը քարոզարշավի շրջանակներում հանդիպեց դավիթաշենցիների հետ:Նա նշեց, որ Դավիթաշեն համայնքը գողտրիկ վարչական շրջան է, կանաչապատ, և օր օրի զարգանում է:Նա անդրադարձավ իր ընդդիմախոսներին, որոնք ասում են, թե քաղաքում դրական փոփոխություններ չկան, և կոչ արեց ամեն ինչ դիտել համեմատության մեջ, համեմատել չորս տարի առաջվա Երևանը:

«Բազում խնդիրներ դեռ կան` քաղաքային տրանսպորտ, բազմաբնակարան շենքերի համատիրությունների կառավարում, կանաչապատում և այլն: Քաղաքային տրանսպորտի հետ կապված ձեռքներս ծալած չենք նստել, միջազգային կառույցների հետ համագործակցելով արդեն լուծման փուլին ենք հասել»,- ասաց Տարոն Մարգարյանը:

Բնակիչների հետ շփման ժամանակ մի կին մոտեցավ Տարոն Մարգարյանին և խնդրեց. «Շատ եմ խնդրում, մարշրուտկաները հանեք էլի»: