ՉԼ. մադրիդյան դերբիին ընդառաջ

Եվրոպական ակումբային ֆուտբոլի ամենահեղինակավոր մրցաշարի` Չեմպիոնների լիգայի մրցաշարի շրջանակներում Իսպանիայի մայրաքաղաք Մադրիդն այսօր «կբաժանվի» 2 մասի: Կիսաեզրափակիչի առաջին խաղում կմրցեն մադրիդյան  2 թիմերը` «Ռեալ»-ն ու «Ատլետիկո»-ն: Դիմակայության առաջին հանդիպումը տեղի կունենա «Սանտիագո Բեռնաբեու» մարզադաշտում:

Եվրոպական մրցաշարերում թիմերը կհանդիպեն 5-րդ անգամ: Բոլոր դիմակայություններն ավարտվել են «արքայական» թիմի առավելությամբ:  

«Ռեալ»-ը  7-րդ անգամ անընդմեջ դուրս է եկել Չեմպիոնների լիգայի կիսաեզրափակիչ, որը ռեկորդային է ՉԼ մրցաշարերի պատմության մեջ:  «Ատլետիկո»-ի արգելքը հաղթահարելու դեպքում «Արքայական» ակումբը կարող է դառբալ առաջինը, որը 2 տարի անընդմեջ հաղթում է ՉԼ գավաթը:

«Ատլետիկո»-ն պատմության մեջ 6-րդ անգամ է դուրս գալիս Չեմպիոնների լիգայի կիսաեզրափակիչ, սակայն երբեք չի դարձել մրցաշարի հաղթող:

«Ռեալ»-ը կորուստներով է մոտենում այս խաղին: Վնասվածքների պատճառով հանդիպմանը չեն մասնակցի Պեպեն, Կոենտրաուն և Բեյլը, սակայն Զինեդին Զիդանը կարող է փոխարինել վնասվածք ստացած ֆուտբոլիստներին` խաղադաշտ դուրս բերելով վերջին հանդիպումներում  տպավորիչ խաղ ցուցադրած Իսկոյին և վնասվածքից ապաքինված Ռաֆայել Վարանին:

«Ատլետիկո»-ի կազմում նույնպես քիչ չեն վնասվածք ստացած ֆուտբոլիստները: Դիեգո Սիմեոնեի համար հատկապես լուրջ խնդիր է Խուանֆրանի, Շիմե Վրսալկոյի, Խոսե Խիմենեսի և Աուգուստո Ֆերնանդեսի բացակայությունը:  

Չեմպիոնների լիգա. կիսաեզրափակիչ փուլի դիմակայության հանդիպում`

«Ռեալ»-«Ատլետիկո»

«Սանտիագո Բեռնաբեու» մարզադաշտ

Երևանի ժամանակով` 22:45

Հավանական կազմեր.

 Ռեալ». Նավաս, Վարան, Ռամոս, Կարվախալ, Մարսելո, Կազեմիրո, Մոդրիչ, Կրոսս, Իսկո, Բենզեմա, Ռոնալդու

«Ատլետիկո». Օբլակ, Գոդին, Սավիչ, Լուկաս, Լուիս, Գաբի, Սաուլ, Կոկե, Կարասկո, Գամեյրո, Գրիզման

Բուքմեյքերների կարծիքը.

«Ռեալ»-ի հաղթանակ ` 1,75

Ոչ-ոքի` 3,75

«Ատլետիկո»-ի հաղթանակ` 5,5