Իմ օգնությունը ես կարող եմ ցուցաբերել, եւ դրա համար ինձ պաշտոն պետք չէ. Ռուբեն Վարդանյան

Հայտնել ենք, որ այսօր Ռուբեն Վարդանյանն ու Նուբար Աֆեյանը ներկայացրել են «Ավրորա» մրցանակի հավակնորդներին և պատասխանել լրագրողների հարցերին:

Լրագրողները հետաքրքրվեցին Ռուբեն Վարդանյանից` արդյո՞ք իրականությանը համապատասխանում են այն խոսակցությունները, թե նա պատրաստվում է քաղաքականություն մտնել: Նա պատասխանեց, որ ՀՀ քաղաքացի չէ և նման մտադրություններ չունի:

«Ես ՀՀ քաղաքացի չեմ, ես անում եմ Հայաստանի համար այնքան, ինչքան կարողանում եմ: Ես կարծում եմ, որ այն, ինչ անում եմ, ավելի կարևոր է: Ինձ համար դա ավելի կարևոր է, քան քաղաքականություն մտնելը: Ինձ պետք չէ  քաղաքականություն մտնել, իմ օգնությունը ես կարող եմ անել, և դրա համար ինձ պաշտոն պետք չէ»,- հայտարարեց Ռուբեն Վարդանյանը: