Դեռ մի բան էլ ավելի ենք անում. Լեւոն Սարգսյան

Այսօր Ծիծեռնակաբերդի հուշահամալիրում էր Լևոն Սարգսյանը` Սերժ Սարգսյանի եղբայրը:

Հարցին, թե ի՞նչ ջանքեր է գործադրում Հայաստանը Հայոց ցեղասպանության ճանաչման համար, նա ասաց, որ Հայաստանի արտաքին քաղաքականությունը ոչ թե չի նպաստում ճանաչմանը, այլ հակառակը` ուղղակի աշխատում է այդ ուղղությամբ: Սարգսյանի գնահատմամբ` այդ ջանքերը բավական արդյունավետ են:

«Չեմ կարծում, թե Հայաստանի դիվանագիտական ջանքերի գործում թերություններ կան, մենք անում ենք այն, ինչ կարողանում ենք անել, դեռ մի բան էլ` ավելի»,- ասաց նա:

Հարցին, թե նախագահ Սերժ Սարգսյանը անո՞ւմ է ամեն ինչ Հայոց ցեղասպանության ճանաչման համար, Լևոն Սարգսյանը պատասխանեց. «Այո, ամեն ինչ անում է»:

Նա նշեց, որ ներքին քաղաքական հարցերով ընդհանրապես չի հետաքրքրվում: