Մենք դեռ այստեղ ենք ու դեռ ողջ ենք. Սերժ Թանկյանի բացառիկ հարցազրույցը Time-ին

 «Իմ տատերն ու պապերը մազապուրծ փրկվել են Ցեղասպանության ժամանակ: Մայրական պապիկս հայտնվել է Հունաստանում գտնվող ամերիկյան որբանոցներից մեկում: Նա կորցրել է տեսողությունը, երբ իր աչքի առաջ սպանել են նրա հորն ու եղաբայրներին: Մայրական կողմից տատիկիս փրկել է թուրք մի քաղաքապետ: Իսկ հայրական կողմից տատս եւ պապս փրկվել են, քանի որ աշխատել են Թուրքիան եւ Բաղդադը կապող գերմանական երկաթուղում:

Հայ, հույն եւ ասորի զոհերի հիշատակին մատուցած մեր հարգանքի տուրք հուշում է այն մասին, որ սա մոռացված խնդիր չէ: Այս հարցը արդիական է նաեւ հիմա: Մենք ցեղասպանությունը օգտագործում ենք որպես քաղաքական կապիտալ եւ ուշադրություն չենք դարձնում մարդկային զոհերին: Եվ այս ամենը չարիք է, որը մենք պատճառում ենք միմյանց»,-  Time ամսագրի  տված բացառիկ  հարցազրույցում ասել  Սերժ Թանկյանը:

Խոսելով «Wake up the Souls» համերգային շրջագայությունից՝  Թանկյանը ասել է, որ  դա  ուներ գեթ մեկ նպատակ՝ բոլորի ուշադրությունը հրավիրել Ցեղասպանության թեմային եւ վերականգնել արդարությունը:

Նա անդրադրաձել է նաեւ  հայաստանյան համերգին.  «Մինչեւ բեմ բարձրանալը ես մտածում էի մեր նախնիների մասին: Դարոնը համերգի սկզբում բարձրախոսով բղավեց՝ «Սա ռոքնռոլ համերգ չէ, սա մեր վրեժ է: Կարծում եմ, որ շատ ճիշտ էր ասված: Մենք դեռ այստեղ ենք ու դեռ ողջ ենք»: