Դուք հաստատեցիք, որ հայտարարում եք մեկ բան, անում մեկ ուրիշ բան. Իշխան Սաղաթելյանը՝ ՔՊ խմբակցությանը

Դուք ձեր քվեարկությամբ հաստատեցիք իմ այն միտքը, որ հաճախ հայտարարում եք մեկ բան, անում մեկ ուրիշ բան, և, ամենակարևորը, կրկին փորձում եք մեղքը բարդել մեկ ուրիշի վրա: Դուք մի հարցում իրոք անգերազանցելի եք, որ կարելի է փաստերն ամբողջությամբ շրջել և ներկայացնել այլ կերպ. ԱԺ ամբիոնից ունեցած եզրափակիչ իր ելույթում հայտարարեց Ազգային ժողովի փոխնախագայի թեկնածու, «Հայաստան» դաշինքի պատգամավոր Իշխան Սաղաթելյանը, ում թեկնածությունն ընդդիմադիր խմբակցությունների կողմից առաջադրվել է երկրորդ անգամ:

Հիշեցնենք՝ ԱԺ նախագահի տեղակալի պաշտոնում առաջադրված «Հայաստան» խմբակցության թեկնածու Իշխան Սաղաթելյանը քվեարկության արդյունքում չընտրվեց: Քվեարկությանը մասնակցել է 104 պատգամավոր, ձայները բաշխվել են հետևյալ կերպ՝ կողմ 53, դեմ՝ 50: