30 տոկոս մասնակցություն է գրանցվել մեր մարզում. Արարատի փոխմարզպետ

Արարատի փոխմարզպետ, Արարատի մարզի ՀՅԴ շտաբի պետ Հայրապետ Բաբայանը Yerkir.am-ի հետ զրույցում նշեց, որ, հակառակ իրենց սպասումներին, մարզում նախընտրական կրքերին, ընտրություններն առայժմ առանց էական խախտումների են ընթանում:

«Մի քանի մանր-մունր դեպքեր են եղել, բայց դրանք ընտրությունների վրա չեն ազդում: Կուտակումներ են: Դա նոր սարքավորումների հետ է կապված, ժողովուրդը դեռ չի յուրացրել դրանց օգտագործումը, և փոքրիկ վեճեր են եղել»,- ասաց նա:

Մեր հարցին` քանի՞ տոկոս մասնակցություն կա, փոխմարզպետը պատասխանեց. «Ժամը 14:30-ի դրությամբ 30 տոկոս մասնակցություն է գրանցվել: Սա բարձր ցուցանիշ է, բայց դեռ մտահոգիչ չէ, քանի որ հետո կտրուկ կարող է նվազել մասնակցությունը»:

Հարցին էլ` հանուն ինչի՞ է քվեարկելու, Բաբայանը պատասխանեց` հանուն հզոր Հայաստանի: