Ծառուկյանը փոխել է մարտավարությունը` խոստանում է օգնել ընտրություններից հետո

Արդեն հայտնել ենք, որ «Ծառուկյան» դաշինքն այսօր հանդիպում է արմավիրցիների հետ: Դաշինքի ղեկավար Գագիկ Ծառուկյանը բնակիչներին ասաց, որ բարեգործությամբ տնտեսություն չես զարգացի:  

«Եթե պարոն Ծառուկյանի ձեռը օրենք լինի, այն գործարարը, որ աշխատում է, որ իր տունը պահի, չի տուժի: Ծառուկյանն այսօր իրավունք չունի օրենք փոխի, եթե հնարավորություն լինի, պայման լինի, ինչ-որ ասել եմ, բոլորն առաջին ամսում է լինելու»,- ասաց նա:

Ծառուկյանն անդրադարձավ նաև արտագաղթի թեմային: «Մարդիկ մտածում են, որ իրենց երեխան կարող է գնա Ղարաբաղ, մահանա, դրա համար ճարահատված վեկալում, գնում են ուրիշ երկիր: Եթե պայմանագրայինների աշխատավարձը 100 հազարով ավելացնում են, երիտասարդների այդ մեծ քանակը ինքնըստինքյան չի գնում Ղարաբաղ, սահման»,- ասաց նա:

Արձագանքելով բնակիչներից մեկի հարցին` Ծառուկյանն ասաց.  «Ուրեմս, Միշա', ընտրությունից հետո, Ծառուկյանը քեզ էսքանի մոտ խոսք ա տալիս, կգաս, տեխնիկա իմ կողմից կստանաս, բայց` ընտրությունից հետո»: