Ակնկալում ենք, որ Սփյուռքի մեր հայրենակիցները կձևավորեն առաջարկներ, բանաձևեր. Կարեն Կարապետյան

Այսօր կառավարության հետ հարցուպատասխանի ժամանակ ԱԺ ՀՀԿ խմբակցության պատգամավոր Լևոն Մարտիրոսյանը հարց ուղղեց վարչապետին, որը վերաբերում էր Սփյուռքին ուղղված կոչին:

Հիշեցնենք, որ Կարեն Կարապետյանը կոչ էր հղել Սփյուռքի հայրենակիցներին` իրենց պոտենցիալը ներդնել Հայաստանում: Պատգամավորը հարցրեց, թե ինչ մեխանիզմով է դա կազակերպվելու:

Վարչապետը պատասխանեց, որ Սփյուռքը «ֆանտաստիկ մեծ պոտենցիալ» ունի, և բոլոր ոլորտներում հնարավոր է ներդնել այդ պոտենցիալը:

«Մենք տվել ենք հեռախոսահամարներ, որ մեզ հետ կապվեն: Իսկ մեխանիզմները տարբեր են, ակնկալում ենք, որ մեր հայրենակիցներն իրենք ձևավորեն առաջարկներ, բանաձևեր, թե ինչպես են տեսնում իրենց պոտենցիալի ներդնումը Հայաստանում»,- ասաց Կարեն Կարապետյանը: