Արտակարգ դեպք` Լեռնանիստում. մթերային խանութում պայթյուն է եղել, կա 2 զոհ, 3 վիրավոր

Տեղեկացրել էինք, որ այսօր առավոտյան արտակարգ դեպք է տեղի ունեցել Կոտայքի մարզի Լեռնանիստ գյուղում: Շենքերից մեկում պայթյուն է  տեղի ունեցել, որի հետևանքով կան զոհեր և վիրավորներ:

Yerkir.am-ի հետ զրույցում Լեռնանիստի գյուղապետ Արտյոմ Հայրապետյանը նշեց, որ շենքն օգտագործվում էր որպես մթերային խանութ:

«Փլուզվել է շենքի տանիքը: Սովետի ժամանակ կառուցված շենք է: Փլուզման պատճառը դժվար է ասել. շենքի գլխին 15 սմ ձյուն է եղել, չեմ կարող ասել` այդքան ձյունը կարող էր փլուզման պատճառ դառնալ: Երկու մարդ է զոհվել, երեքը` վիրավորվել: Զոհերից մեկը 32 տարեկան էր, մյուսը` 50-ն անց, երկուսն էլ կին են: Իսկ վիրավորների կյանքին վտանգ չի սպառնում,` նրանք կոտրվածքներ ու մարմնական վնասվածքներ են ստացել»,- ասաց գյուղապետը` հավելելով, որ դեպքի վայրում աշխատում են իրավապահները: