Թրամփը մեկնաբանել է դատարանի կողմից միգրացիոն քաղաքականությունը կոշտացնող հրամանի կասեցումը

ԱՄՆ նախագահ Դոնալդ Թրամփը մեկնաբանել է դատարանի կողմից միգրացիոն քաղաքականությունը կոշտացնելու մասին իր հրամանի կասեցումը: «Այսպես կոչված դատավորի կարծիքը, որն առաջին հերթին մեր երկրից խլում է իրավապահ գործառույթները, անհեթեթ է եւ կչեղարկվի»,- գրելէ Թրամփը Twitter-ում:

«Երբ երկիրը չի կարող այլեւս ասել, թե ով կարող է մտնել իր տարածք, իսկ ով՝ ոչ, հատկապես անվտանգության պատճառներով, նա մեծ խնդիրներ ունի», - ասել է նա:

Ավելի վաղ Սիեթլի դաշնային դատարանը կասեցրել էր միգրացիոն հրամանի գործունեությունը, մինչեւ չքննվի տեղի դատախազության ներկայացրած դատական հայցը, որում պահանջվում է հակասահմանադրական ճանաչել այդ հրամանի դրույթներն ու չեղարկել այն:

Արդարադատության նախարարությունն արդեն հայտարարել է, որ բողոքարկելու է դատարանի որոշումը: