Մեկնարկում է էներգախնայողության ծրագրի երկրորդ փուլը

Այսօր կառավարության նիստում էներգետիկայի նախարար Աշոտ Մանուկյանը ներկայացրեց 2017-2018 թթ  էներգախնայողության գործողությունների ծրագրի երկրորդ փուլին հավանություն տալու մասին հարցը: Ծրագիրը սահմանում է առաջին երկու տարիներին առաջնային էներգիայի խնայողությանն ուղղված կառավարության և առանձին գերատեսչությունների գործողությունները:

Նախարարն ընդգծեց, եթե ծրագրի առաջին փուլում էներգախնայողության հիմնական շահառուները պետական ձեռնարկություններն էին` ՔԿՀ-ները, բուժհիմնարկությունները, ուսումնական հաստատությունները, վարչական շենքերը և այլն, ապա վերջին շրջանում այդ ուղղությամբ ակտիվանում է մասնավոր հատվածը:Նախատեսված է էներգախնայողությունը ընթացիկ տարում հասցնել 17,9 տոկոսի:

Վարչապետը հավելեց. «Չափազանց  կարևոր  նախաձեռնություն է, հատուկ հսկողություն և հատուկ քարոզչություն է պետք իրականացնել, որովհետև այստեղ արդյունավետության բարձրացման խնդիր ունենք»: