Հնդիկ զինվորը վատ սննդի պատճառով սպանել է 4 ծառայակիցներին

Հնդկաստանի Բիհար նահանգում զինվորը կրակ է բացել իր ծառայակիցների վրա ՝ սպանելով նրանցից 4-ին, հայտնում է «Սինհուան»։

«Դեպքը տեղի է ունեցել Անվտանգության կենտրոնական ուժերի անձնակազմի պաշտոնական ճեպազրույցի ժամանակ, զինվորը անսպասելիորեն կրակ է բացել իր ծառայակիցների վրա»,- հայտնել է ոստիկանության ներկայացուցիչը։

Դեպքից մեկ օր առաջ սահմանապահը երեք տեսագրություն էր հրապարակել սոցցանցում, որտեղ երեւում է, որ առաջապահ դիրքերում զինվորներին շատ վատ որակի սնունդ են տալիս, հաճախ էլ քաղցած թողնում։

Հնդկաստանի կառավարությունը կարգադրել էր հետաքննել այս ահազանգը, բայց Անվտանգության կենտրոնական ուժերը հերքել էին այդ մեղադրանքները, ասելով, որ այդ զինվորը «մութ անցյալ ունի», հարբեցողի համբավ։