Բրյուսելում ու Փարիզում ահաբեկչությունների հետեւանքով զոհվածների հարազատները դատի են տվել Twitter-ին

Բրյուսելում ու Փարիզում ահաբեկչությունների հետեւանքով զոհվածների հարազատները դատի են տվել Twitter-ին, հայտնում է Belga–ն։

Հայցվորները հավաստիացնում են, որ Twitter–ը, խախտելով ԱՄՆ հակաահաբեկչական օրենդրությունը, ԻՊ ահաբեկիչներին տրամադրել է «հաղորդակցության ունիկալ ու հզոր միջոցից» օգտվելու պոտենցիալ հնարավորություն, որն օգնել է նրանց հասնել իրենց նպատակներին։

Belga-ի տեղեկություններով, հայցը ներկայացրել են Բրյուսելում մարտի 22-ին քրոջ հետ զոհված Ալեքսանդր Պինկզովսկու գործընկերը, նաեւ Փարիզում նոյեմբերի 13-ի ահաբեկչությունից զոհված Նոեմի Գոնսալեսի հարազատները։ Հայցվորները հույս ունեն Twitter –ից փոխհատուցում ստանալ, որի գումարը ճշգրտված չէ, հայտնում է գործակալությունը։