Պոտենցիալ վտանգ ներկայացնող 50 իսլամիստ` Գերմանիայի տարածքում

Գերմանական Spiegel-ի տեղեկություններով` Գերմանիայի դաշնային հանրապետությունը պոտենցիալ վտանգ ներկայացնող ավելի քան 50 իսլամիստների մերժել է գաղթականի կարգավիճակ տրամադրել, սակայն նրանք շարունակում են մնալ այդ երկրի տարածքում:

Ըստ աղբյուրի` Գերմանիայի իշխանությունները ներգաղթյալների արտաքսման հարցում մեծ խնդրիների առջև են կանգնում. ներգաղթյալների անհրաժեշտ փաստաթղթերը բացակայում են, իսկ նրանց երկրները հրաժարվում են այդ հարցում համագործակցել:

Ավելի վաղ Գերմանիայի ներքին գործերի նախարար Թոմաս դե Մեզյերը հայտարարել է, որ պոտենցիալ վտանգավոր իսլամիստների թիվը երկրում ռեկորդային մակարդակի է հասել: Նշենք, որ պոտենցիալ վտանգավոր են համարվում այն անձինք, ում վերաբերյալ հիմնավոր փաստեր կան եզրակացնելու, որ կարող են քաղաքական լուրջ բնույթի հանցագործություններ կատարել: