«Խայտառակ հանցագործություն». Սիրիան՝ Թուրքիայում ՌԴ դեսպանի սպանության մասին

Սիրիան խստիվ դատապարտել է Թուրքիայում ՌԴ դեսպանի սպանությունը:

Ըստ «Գանձասար»-ի՝ այդ մասին «ՍԱՆԱ» լրատվամիջոցին է հայտնել Սիրիայի ԱԳ նախարարության խոսնակը:

«Սիրիան, խստիվ դատապարտելով ահաբեկչական այս քստմնելի արարքը, իր ցավակցությունն է հայտնում ՌԴ ժողովրդին, ղեկավարությանը, կառավարությանն ու դավադիր գնդակի զոհ դարձած դեսպան Անդրեյ Կառլովի ընտանիքին»,- նշել է ԱԳՆ խոսնակը՝ հավելելով, որ «այս խայտառակ հանցագործությունը վերահաստատում է ահաբեկչության դեմ պայքարին առնչվող բոլոր ջանքերի և հնարավորությունների կենտրոնացման անհրաժեշտությունը:

Հիշեցնենք, որ երեկ Թուրքիայում ՌԴ դեսպան Անդրեյ Կառլովի դեմ մահափորձ է տեղի ունեցել: Դեսպանը ծայրահեղ ծանր վիճակում հոսպիտալացվել է, այնուհետև՝ մահացել: