Երկրագնդի ամենաչքնաղ նախարար. Տիգրան Ուրիխանյանը՝ Արփինե Հովհաննիսյանին

Այսօր ԱԺ արտահերթ նիստում քննարկվում էր ապօրինի հարստացման քրեականացման հարցը: Հիմնական զեկուցողն էր արդարադատության նախարար Արփինե Հովհաննիսյանը: ԱԺ ԲՀԿ խմբակցության պատգամավոր Տիգրան Ուրիխանյանը հարց տալուց առաջ հաճոյախոսություններ շռայլեց: «Երկրագնդի ամենաչքնաղ նախարար, հարգարժան Արփինե Հովհաննիսյան»,- դիմեց նախարարին Ուրիխանյանը, ինչը աշխուժություն առաջացրեց դահլիճում: Արփինե Հովհաննիսյանը կատակեց. «Էս վատ հարց եք տալու, նախաբանը փորձում եք լավը անե՞լ»:

Ուրիխանյանը ձևակերպեց հարցը, ասելով որ եթե պաշտոնյան ապօրինի է հարստացել, ապա պետք է պատժվի այլ օրենքների համաձայն իրավապահ համակարգի կողմից՝ «դրայվոտ աշխատելու դեպքում»:

«700 հազար դոլար կերել են, ծրագրի իրականացման անվան տակ, բա բռնեիք»,- ասաց պատգամավորը: Նախարարի խոսքով՝ կաշառք վերցնելը շատ դժվար է բացահայտել, մինչդեռ ապօրինի հարստացման քրեականացումը հետևանքային հանցակազմ է: ԱԺ նախագահի տեղակալ Էդուարդ Շարմազանվը հարցրեց Ուրիխանյանին. «Էլի հարց ունե՞ք մեր չքնաղ նախարարին»: Ուրիխանյանը արձագանքեց. «Հիանալի է, երբ չքնաղությունը զուգորդվում է բարձր ինտելեկտով»: