ԲՀԿ-ում սպասում են ՀՀԿ ցուցակին, որ Արփինե Հովհաննիսյանին համարժեք «կոնկուրենտ» դնեն. «Հրապարակ»

«Հրապարակ»-ը գրում է. «Հանրապետականում Արփինե Հովհաննիսյանին առաջ մղելու գործընթացը ոչ միայն ՀՀԿ-ում են ծանր տանում՝ համարելով, որ նա չի վաստակել ՀՀԿ կին-դեմքը լինելու «պատիվը», այլև ԲՀԿ-ում է որոշ «տեղաշարժեր» առաջացրել։

Մասնավորապես, քննարկվում է նոր իմիջով՝ երկարոտն, մոդելային կեցվածքով, գեղեցկադեմ կանանց ասպարեզ բերելու հարցը։ Ընդ որում, ԲՀԿ-ում հետևում են, թե ՀՀԿ ցուցակի որ տեղում են գրելու Արփինեին, որ իրենք էլ նույն հատվածում արժանի «կոնկուրենտ» դնեն։ Այս չափանիշին Նաիրա Զոհրաբյանը, բնականաբար, չի համապատասխանում, ոմանք առաջարկում են Իրինա Քոչարյանին, բայց նրան ազգանունն է խանգարում։ Այնպես որ՝ ԲՀԿ-ում այս օրերին շատ ակտուալ է «շերշե լա ֆամ» ասույթը»,–գրում է թերթը։

Մանրամասները՝ թերթի այսօրվա համարում։